“Эрдэнэт ус, Дулаан түгээх сүлжээ” ОНӨХК 14500 орчим хэрэглэгчийг ус, дулаан, цахилгаан эрчим хүчээр хангаж байна.

Тус байгууллага нийт хэрэглэгчдэдээ зориулан түргэн шуурхай, чирэгдэлгүй үйлчлэх үүднээс төлбөрийн цахим системийг ашиглалтад орууллаа. Ингэснээр хэрэглэгч  заавал “Эрдэнэт ус, Дулаан түгээх сүлжээ” ОНӨХК-ийн байранд ирэх шаардлагагүйгээр цахимаар төлбөрөө төлөх боломжтой болсон байна.

Хэрэглэгч та аpp.erdenet-us.gov.mn  цахим системд хандан цахилгаан, дулааны хэрэглээгээ хянах, онлайнаар төлбөрөө төлөх, НӨАТ-ын баримт авах, төлбөрийн дэлгэрэнгүй мэдээлэлтэй танилцах, санал хүсэлт, өргөдөл гомдол гаргах, дуудлагын түүх харах зэрэг бүхий л үйлчилгээг нэг дороос авна.  

ТА ХЭРЭГЛЭЭНИЙ ТӨЛБӨРӨӨ ТӨЛӨХДӨӨ

- /http://app.erdenet-us.gov.mn/ хаягаар нэвтрэн орж 

- Хэрэглэгчийн код авах хэсэгт дарж гэрийн хаяг, бүртгэлтэй утасны дугаарыг зааврын дагуу оруулан ХЭРЭГЛЭГЧИЙН КОДОО авч нэвтрэх хуудас руу буцна. Хэрэв утасны дугаар зөрүүтэйгээс хэрэглэгчийн кодоо авахад алдаа заасан бол байр хариуцсан байцаагчтайгаа холбогдоно. 

- Нэвтрэх хэсэгт хэрэглэгчийн код, нууц үг хэсэгт бүртгэлтэй утасны дугаараа оруулснаар амжилттай нэвтэрнэ

- Төлбөрийн мэдээлэл хэсэгт хэрэглээний төлбөр мөнгөн дүнгээр гарч ирнэ

- Төлбөр төлөх хэсэгт дарснаар таны хэрэглээний задаргаа харагдана

- Та бүх банкны интернэт банк QPAY ашиглана төлбөрөө төлөх боломжтой

Төлбөр төлсний дараа заавал төлбөр шалгах хэсэгт дарахыг анхаарна уу. Инэгснээр НӨАТ-ын түүх хэсгээс баримтаа авах боломжтой болно. Мөн миний түүх хэсгээс хэрэглээгээ хянаж, удирдаж болно.

Сар бүрийн 16-23-нд айл өрхийн усны тоолуурын заалт, 23-24-ний өдрүүдэд цахилгааны тоолуурын заалтын бичилт хийдэг. Хэрэглэгчийн тоолуурын заалт бичигдсэнээр сар бүрийн 25-ны өдөр хэрэглээний төлбөр бодогдож гарна. Тиймээс ирэх сарын 10-ний дотор төлбөрөө төлөх бөгөөд хугацаа хэтэрсэн тохиолдолд алданги тооцдог байна.