ЗАСГИЙН ГАЗРЫН ХЭРЭГ ЭРХЛЭХ ГАЗРЫН АЖЛЫН ХЭСЭГ ОРОН НУТАГТ АЖИЛЛАЖ БАЙНА
Монгол  Улсын Засгийн газраас “Аймаг, сумдын ИТХ, ЗДТГ -ын ажлын албаны бүтэц, орон тооны хязгаарыг тогтоох тухай” тогтоол гарсантай холбоотойгоор ЗГХЭГ-аас Ажлын хэсэг Орхон аймагт ажиллаж байна. Тодруулбал, Засгийн Газрын Хэрэг Эрхлэх Газрын Орон нутгийн удирдлага зохицуулалтын референт Т.Оюун, ЗГХЭГ-ын Хяналт шинжилгээ үнэлгээ дотоод аудитын газрын ахлах референт Х.Мөнх-Өнөр нар ажиллаж байна. 
Тэд аймгийн ИТХ-ын дарга Д.Мөнхбат, Засаг даргын орлогч А.Түвшинжаргал, ЗДТГ-ын дарга Д.Соёлчхүү болон Баян-Өндөр, Жаргалант сумын ИТХ-ын дарга, Засаг дарга нартай уулзаж ажлын албаны бүтэц, орон тооны хязгаарын талаарх санал бодлыг  сонссон юм.  
Ташрамд дурдахад, 2005 онд аймаг сумдын ЗДТГ, ИТХ-ын ажлын албаны бүтэц, орон тооны хязгаарыг тогтоох тухай Засгийн газрын тогтоол гарч 2017 онд нэг удаа шинэчлэгдэж байсан юм.