Төрийн үйлчилгээг сайжруулах зорилтын хүрээнд Аймгийн Засаг даргын 2023 оны А/93 тоот захирамжаар аймгийн ЗДТГ-т ашиглагдаж байсан 129 сая төгрөгийн үнэ бүхий “TOYOTO PRADO”-150 автомашиныг Жаргалант сумын ЗДТГ-т шилжүүлэн өглөө. Жаргалант сумын тухайд газар, тариалан хөдөө аж ахуй илүүтэй хөгжсөн. Иймд малчин тариаланчид руу зорьж очих цас зуд орсон үед ашиглах туулах чадвартай машинаар хангаж байна. Жаргалант сумын ЗДТГ-т туулах чадвартай машин байдаггүй, албаны хэрэгцээнд Засаг дарга болон хүүхдийн автобус зэрэг есөн төрлийн автомашин байдаг талаар Жаргалант сумын Засаг дарга Б.Зоригтбаяр хэллээ.